Helo, fy enw i ydi Connah. 'Rwy'n 10 oed a dwi'n byw yng Ngronant yng Ngogledd Cymru gyda fy nain a nhaid, Debbie a Jim, a fy nhad Chris.Yn Nhachwedd 2005 fe ddechreuais deimlo yn sal a chwyno bod gen i boenau yn fy ochor oedd yn parhau dim ond am ryw ddau funud ar y tro , a hynny weithiau dim ond unwaith mewn wythnos neu fisoedd. Bum yn gweld sawl meddyg teulu a meddygon yn Ysbyty Glan Clwyd fu'n tybio mai poenau tyfu, mod i'n chwilio am sylw, yn dioddef o wynt neu bod fy ymysgaroedd wedi rhwymo. Aeth hyn ymlaen tan Awst 2006 nes iddyn nhw ddarganfod lwmp yn fy ngwddw.
Roeddwn yn dioddef o gancr prin i blant- Niwroblastoma, sef tyfiant sy'n datblygu mewn celloedd nerfau arbennig sy'n rhedeg ar siap cadwyn ar gefn yr abdomen, y frest ac i'r penglog gan ddilyn yr asgwrn cefn. Mae fy salwch yn cael ei gydnabod fel Graddfa 4 Niwroblastoma - y raddfa uchaf un ac mae'n beryglus iawn.80 o blant y flwyddyn yn unig sy'n dioddef o'r cyflwr a dim ond un o bob pump sy'n goroesi. Mae'r prif diwmor ar draws fy abdomen ac mae rhai eraill yn fy mrest, y glandiau Lymph, yn fy mraich ac fy ysgwydd ac yn fy nwy goes uwchben y pengliniau; mae nhw hefyd yn fy esgyrn ac ym mer fy esgyrn.
'Rydw i wedi cael triniaeth cemotherapi ers mis Awst, ac er ei fod wedi atal tyfiant y tiwmor, 'does na ddim tystiolaeth fy mod i'n mynd i gael fy ngwella yn llwyr. Yn anffodus , ychydig iawn o gyllid sydd ar gael yn y Deyrnas Unedig i waith ymchwil i'r clefyd. Mae hynny'n golygu bod plant yn gorfod teithio i wledydd eraill y tu allan i'r Gymuned Ewropeaidd i gael triniaeth pellach. Y teuluoedd a ffrindiau sy'n gorfod talu am hyn. Mae'r driniaeth yn yr Unol Daleithiau yn costio hyd at £250,000 am y driniaeth cyntaf yn unig.
Nod yr Apel yw darparu trinaeth imi mewn gwlad arall os nad yw'r drinaieth yn gweithio yma. Os na fydd angen unrhwy faint o'r arian a godir fe fydd yn cael ei gyfrannu i waith ymchwil y Ganolfan Cancr Niwroblastoma.
'Rwy'n gofyn am gyfraniadau i fy nghronfa ac mi fyddai'n ddiolchgar iawn am hynny, a diolch yn fawr iawn i chi am dreulio amser yn darllen amdana'i. Cariad mawr -
Connah xxxx
